FIFA fillimisht ndaloi futjen e shisheve të ujit nga jashtë në stadiumet e Kupës së Botës 2026, duke lejuar vetëm blerjen e tyre brenda impianteve. Ky vendim u kritikua ashpër nga tifozët, sidomos për shkak të temperaturave të larta që priten në disa qytete pritëse, ku termometri mund të arrijë deri në 30 gradë Celsius. Pas presionit publik dhe reagimeve, FIFA tërhoqi këtë ndalim dhe riktheu lejen për të sjellë shishe plastike transparente të mbyllura fabrikisht me kapacitet deri në 590 ml në stadiumet e SHBA-së dhe Kanadasë, ndërsa ende nuk ka vendim për stadiumet në Meksikë. Kjo kthesë vjen pas shqetësimeve për sigurinë dhe rehatinë e tifozëve, si dhe pas interesave komerciale të FIFA-s dhe partnerëve të saj.