FIFA ka hapur një procedurë disiplinore ndaj Federatës Spanjolle të Futbollit pas incidenteve raciste gjatë ndeshjes miqësore me Egjiptin. Gjatë takimit, një pjesë e tifozëve spanjollë brohoritën thirrjen “Kushdo që nuk kërcen është mysliman”, një shprehje me përmbajtje diskriminuese dhe të papranueshme në sportin ndërkombëtar. FIFA theksoi se ka zero tolerancë ndaj diskriminimit fetar dhe po shqyrton me kujdes provat para marrjes së një vendimi përfundimtar. Federata Spanjolle ende nuk ka reaguar zyrtarisht, por pritet të bashkëpunojë me organet disiplinore, ndërsa sanksionet mund të përfshijnë gjoba financiare apo ndeshje pa tifozë.