Kupa e Botës 2026 pritet të jetë më fitimprurësi në historinë e futbollit, me FIFA-n që parashikon të ardhura mbi 13 miliardë dollarë, duke tejkaluar pritshmëritë fillestare prej 11 miliardë. Ky sukses financiar lidhet me zgjerimin e turneut në 48 skuadra dhe 104 ndeshje, si dhe me interesin e jashtëzakonshëm global dhe çmimet më të larta të biletave. Për krahasim, Botërori 2022 në Katar solli rreth 7.5 miliardë dollarë të ardhura, ndërsa edicioni i ardhshëm në SHBA, Kanada dhe Meksikë pritet të rrisë ndjeshëm fitimet e FIFA-s. Organizata po shqyrton gjithashtu mundësinë e zgjerimit të mëtejshëm të turneut në 64 skuadra për Botërorin 2030, një hap që do të sjellë më shumë ndeshje dhe të ardhura edhe më të mëdha.