FIFA ka prezantuar një format të ri për ceremoninë para nisjes së çdo ndeshjeje në Kupën e Botës 2026, që do të zhvillohet në Shtetet e Bashkuara, Kanada dhe Meksikë. Në këtë edicion historik me 48 kombëtare dhe 104 ndeshje, të gjithë futbollistët e listës së ndeshjes, përfshirë edhe zëvendësuesit, do të qëndrojnë rreth rrethit qendror gjatë interpretimit të himneve kombëtare. Përveç kësaj, në stadiume do të përdoren flamuj gjigantë dhe lojtarët do të hyjnë në fushë përmes një harku të posaçëm, duke krijuar një atmosferë më madhështore dhe gjithëpërfshirëse.