Në një ceremoni të veçantë u inaugurua “FIFA Talent Academy Kosova”, një projekt i përbashkët mes Federatës së Futbollit të Kosovës dhe FIFA-s, që synon zhvillimin profesional të talenteve të rinj në futboll. Akademia është e para në rajon dhe e treta në Evropë që përfshin djemtë dhe vajzat, duke krijuar mundësi të barabarta për të gjithë të rinjtë e Kosovës. Presidenti i FFK-së, Agim Ademi, dhe ministri në detyrë i Sportit, Blerim Gashani, theksuan rëndësinë e këtij investimi për të ardhmen e sportit dhe potencialin e madh njerëzor që ka vendi. Në vijim, projekti do të përfshijë përdorimin e teknologjisë për identifikimin e talenteve dhe trajnimin e trajnerëve, duke synuar që akademia të bëhet një model rajonal dhe një pikë referimi për zhvillimin e futbollit në Ballkan.