FIFA ka ndryshuar qëndrim duke hequr dorë nga plani për shitjen e një pjese të të drejtave të garave kryesore, përfshirë Kupën e Botës, tek investitorët privatë. Ky vendim erdhi pas presionit të UEFA-s, e cila kërkoi që turneu të mbetej i paprekur nga ndikimet e jashtme. Presidenti i Federatës Shqiptare të Futbollit dhe nënkryetari i UEFA-s, Armand Duka, ka mirëpritur këtë vendim, duke theksuar rëndësinë e transparencës, integritetit dhe qeverisjes së mirë në futboll. Ai gjithashtu nënvizoi se uniteti i aktorëve të futbollit është çelësi për të gjetur zgjidhje të duhura dhe për të mbrojtur vlerat e sportit në të ardhmen.