“Final4” i Kupës së Republikës së Kosovës në hendboll do të organizohet në palestrën “Bill Clinton” në Ferizaj, me KH Kastriotin si organizator të turneut final. Vendimi për organizimin e këtij eventi është marrë nga Bordi i Federatës së Hendbollit të Kosovës pas tre aplikimeve për organizim. Kontrata për organizimin e turneut është firmosur më 15 prill nga presidenti i FHK-së, Edin Kolgeci, dhe anëtari i Bordit të KH Kastrioti, Agon Zhinipotoku, ku janë përcaktuar detyrat dhe përgjegjësitë e organizatorit. Gjysmëfinalet do të zhvillohen më 25 prill dhe finalet më 26 prill, me ndeshjet e meshkujve Rahoveci – Kastrioti dhe Besa Famgas – Prishtina, ndërsa te femrat do të përballen Istogu – Shqiponja dhe Ferizaj – Samadrexha.