Pas dy fitoreve të Trepçës në dy ndeshjet e para të finales së Play-Offit në basketboll, seria zhvendoset në Prizren për dy ndeshjet vendimtare. Kampionia aktuale Trepça ka shfrytëzuar epërsinë e terrenit vendas për të marrë avantazhin 2:0 ndaj Bashkimit, i cili ka bërë rezistencë të fortë, duke u afruar deri në minus dy pikë në ndeshjen e fundit. Tifozët e Prizrenit janë thirrur të mbushin sallën “Sezai Surroi” për të mbështetur skuadrën e tyre në përpjekjen për të barazuar serinë dhe për të mbajtur gjallë shpresat për titullin. Nëse Trepça fiton edhe dy ndeshjet në Prizren, ajo do të shpallet kampione për herë të tretë rresht, ndërsa në rast të barazimit të serisë do të zhvillohen ndeshje shtesë në Mitrovicë dhe Prizren.