Përfaqësuesja e Finlandës në basketboll arriti një fitore të rëndësishme 78:75 ndaj Belgjikës në ndeshjen e xhiros së katërt të fazës grupore të kualifikimeve për Kupën e Botës 2027, e zhvilluar në Espoo Metro Arena para 6,822 tifozëve. Edon Maxhuni ishte një nga lojtarët më të mirë të Finlandës, duke kontribuar me 14 pikë dhe pesë kërcime, duke shënuar edhe në momentet vendimtare të sfidës. Olivier Nkamhoua ishte gjithashtu vendimtar për finlandezët me 23 pikë, 20 prej të cilave në pjesën e dytë, ndërsa basketbollisti i Trepçës, Mustapha Amzil, luajti mirë duke realizuar pesë pikë dhe tri kërcime në 20 minuta. Me këtë fitore dramatike, Finlanda kryeson grupin G me shtatë pikë, po aq sa Franca, duke siguruar kualifikimin në fazën tjetër të eliminatoreve për Botërorin 2027.