Fisnik Asllani, sulmuesi i Hofenheimit, vazhdon të jetë në qendër të spekulimeve të merkatos, ndërsa transferimi i tij te Borussia Dortmund nuk është finalizuar ende. Edhe pse është raportuar se Dortmund do të paguajë klauzolën e lirimit prej rreth 30 milionë eurosh, Asllani po vonon negociatat, pasi ëndërron një kalim te Barcelona. Klubi katalanas, i interesuar për një qendërsulmues pas largimit të Ferran Torres drejt PSG-së, ka biseduar me Asllanin dhe përfaqësuesit e tij, ndërsa drejtori sportiv Deco e favorizon atë para alternativave të tjera. Megjithatë, vendimi përfundimtar për transferimin do të jetë i trajnerit Hansi Flick, duke lënë të hapur fatin e sulmuesit në këtë merkato.