Sulmuesi kosovar Fisnik Asllani ka komentuar për herë të parë lidhur me zërat që e lidhin me një transferim të mundshëm te FC Barcelona, pa dhënë një përgjigje të prerë për të ardhmen e tij. Pas një paraqitjeje të mirë me TSG Hoffenheim, ku shënoi edhe një gol të bukur, interesimi i klubit katalanas u bë temë kryesore në media. Barcelona po e monitoron nga afër 23-vjeçarin dhe vlera e transferimit mund të arrijë nga 25 deri në 29 milionë euro, sipas raportimeve. Asllani u shpreh i rezervuar, duke theksuar se fokusi i tij mbetet te loja në fushë dhe dëshiron të vazhdojë të japë maksimumin për ekipin, ndërsa nuk përjashtoi mundësinë e një largimi në të ardhmen.