Fisnik Asllani, sulmuesi kosovar i Hoffenheim, ka treguar hapur admirimin e tij për Barcelonën, duke nxitur spekulime për një transferim të mundshëm te klubi katalanas. Në një postim në Instagram, ai publikoi një foto ku shihej një ndeshje Barcelona-Newcastle, që interpretohet si një sinjal drejt “Blaugranës”. Asllani ka shprehur më parë ëndrrën për të luajtur në Camp Nou dhe Champions League, duke e bërë të qartë dëshirën e tij për t’u bashkuar me klubin spanjoll. Sipas mediave, Barcelona është ndër klubet më të interesuara për sulmuesin 23-vjeçar, i cili ka një klauzolë largimi prej 25-29 milionë eurosh dhe po ndiqet gjithashtu nga skuadra të tjera të mëdha evropiane si Bayern Munich, Borussia Dortmund, Chelsea dhe Tottenham.