Fisnik Asllani nuk do të jetë në dispozicion për ndeshjen hapëse të Bundesligës gjermane me Hoffenheimin, pasi ende nuk është në formë të plotë fizike. Trajneri Christian Ilzer konfirmoi këtë lajm në konferencën për shtyp, duke shpjeguar se sulmuesi 24-vjeçar i Kosovës ka pasur një problem të vogël në gju dhe ka nisur me vonesë përgatitjet për sezonin e ri. Asllani ishte shumë pranë një transferimi te Leipzig, por marrëveshja u anulua në momentet e fundit për shkak të gjendjes së tij fizike, ndërsa Dortmund është ende në garë për shërbimet e tij. Trajneri theksoi se Asllani do të përfshihet gradualisht në stërvitje dhe do të ketë nevojë për pak kohë për t’u rikthyer në formën e tij më të mirë.