Fisnik Asllani, sulmuesi i Kombëtares së Kosovës, ka kompletuar transferimin te RB Leipzig në një marrëveshje prej 30 milionë eurosh nga Hoffenheimi. Sipas ekspertit të transferimeve Fabrizio Romano dhe gazetarit gjerman Guido Schäfer, Asllani do t’i nënshtrohet testeve mjekësore në Salzburg para se t’i bashkohet skuadrës në fazën përgatitore. Kontrata e tij përfshin një klauzolë lirimi prej 75 milionë eurosh, e vlefshme vetëm në periudhën 1-15 qershor 2027, që mund të lejojë largimin e tij nëse paguhet kjo shumë. Ky transferim vjen pas një sezoni të shkëlqyer të 23-vjeçarit në Hoffenheim, ku performancat e tij të mira dhe golat e rëndësishëm me Kombëtaren e Kosovës kanë rritur vlerën e tij në tregun evropian, duke tërhequr interesim edhe nga klube të mëdha si Barcelona dhe Borussia Dortmund.