Hoffenheim nuk ka ndërmend të heqë dorë lehtë nga sulmuesi kosovar Fisnik Asllani, pavarësisht skadimit të klauzolës së lirimit prej 25 milionë eurosh në kontratën e tij. Pas dështimit të transferimit te Leipzig për shkak të problemeve në kontrollet mjekësore, klubi gjerman vazhdon të ketë besim të plotë te potenciali dhe gjendja fizike e 24-vjeçarit. Drejtuesit e Hoffenheimit janë të bashkuar në mbështetje të lojtarit dhe nuk do ta lejojnë largimin e tij përveç në rast të një oferte jashtëzakonisht të lartë. Asllani, i cili ka kontratë deri në vitin 2029 dhe është futbollisti më i shtrenjtë shqiptar aktualisht, ka tërhequr interesim nga klube të mëdha evropiane si Barcelona, Bayern Munich dhe Borussia Dortmund.