Sulmuesi kosovar Fisnik Asllani, 23 vjeç, është një nga emrat më të përfolur në merkato këtë verë, me interes të madh nga klube të mëdha evropiane. Barcelona e ka në shënjestër si zëvendësues të Robert Lewandowskit dhe është skuadra e preferuar e futbollistit që nga fëmijëria, ndërsa në Premier League, Chelsea dhe Tottenham e ndjekin me kujdes. Së fundi, Borussia Dortmund, që kërkon një sulmues të kalibrit të lartë, është shfaqur si një opsion serioz për Asllanin, me shefin e sportit të klubit, Lars Ricken, që konfirmoi kërkesën për një sulmues pa përmendur emra konkretë. Hoffenheim kërkon të paktën 50 milionë euro për transferimin e tij, dhe pritet që konkurrenca e fortë të rrisë këtë shifër, ndërsa Asllani me shumë mundësi do të ndryshojë ambient në verë dhe ndoshta edhe kampionat.