Fisnik Asllani, futbollisti më i përfolur gjatë afatit kalimtar të verës, ka përfunduar pushimet dhe është rikthyer në stërvitje me skuadrën e Hoffenheimit. Ai po stërvitet së bashku me dy shokët e tij nga Kosova, Leon Avdullahun dhe Albian Hajdarin. Megjithatë, situata e Asllanit mbetet e paqartë, pasi ekziston mundësia e largimit të tij nga Hoffenheimi gjatë këtij afati kalimtar. Sipas raporteve të fundit, Borussia Dortmund është shumë e interesuar për të, duke e bërë të ardhmen e tij në skuadër një çështje me tension të lartë.