Hoffenheimi po zhvillon ndeshjen e javës së 32-të në Bundesligë ndaj Stuttgartit, ku në minutën e tetë u shënua goli i epërsisë 1-0. Sulmuesi dardan Fisnik Asllani dha një asistim të bukur për Andrej Kramaric, i cili shënoi golin e parë të takimit. Ky ishte asistimi i shtatë i Asllanit në këtë sezon, ku ai gjithashtu ka realizuar dhjetë gola, duke treguar formë të jashtëzakonshme. Përveç tij, në fushë nga minuta e parë janë aktivizuar edhe dy lojtarë të tjerë me prejardhje shqiptare, Albian Hajdari dhe Leon Avdullahu, ndërsa interesimi i skuadrave të mëdha evropiane për Asllanin pritet të rritet gjatë merkatos së verës.