Fisnik Asllani, sulmuesi i kombëtares së Kosovës, ka dhënë një paraqitje të shkëlqyer në ndeshjen e Bundesligës mes Hoffenheimit dhe Heidenheimit, duke asistuar në golin e parë në minutën e 26-të dhe duke shënuar vetë golin e tretë në minutën e 49-të. Hoffenheimi fitoi bindshëm 3:0 në transfertë, me golin e dytë të shënuar nga Alexander Prass në minutën e shtesë të pjesës së parë. Asllani ka arritur në këtë sezon të Bundesligës tetë gola dhe pesë asistime, duke treguar formë të lartë. Ndeshja ishte edhe një derbi i shqiptarëve, pasi në radhët e Heidenheimit luajti titullar portieri Diant Ramaj, ndërsa për Hoffenheimin titullarë ishin Asllani, Albian Hajdari dhe Leon Avdullahu.