Flavio Sulejmani, sulmuesi 19-vjeçar i kombëtares shqiptare, ka rinovuar kontratën me Lazion dhe tani është zyrtarisht futbollist profesionist i klubit italian. Ai ka firmosur një marrëveshje që do ta mbajë të lidhur me bardhekaltrit deri në vitin 2029, duke zgjatur bashkëpunimin që nisi në vitin 2023 kur u transferua nga Perugia. Gjatë këtij sezoni, Sulejmani ka shkëlqyer në kampionatin Primavera, ku ka shënuar 11 gola dhe ka dhënë 4 asistime, duke u bërë një nga lojtarët kryesorë të ekipit të të rinjve. Pritet që së shpejti ai të bashkohet me ekipin e parë të Lazios dhe të bëjë debutimin mes profesionistëve nën drejtimin e trajnerit Sarri, ndërsa konsiderohet një nga shpresat e ardhshme të kombëtares shqiptare.