FC Barcelona po kërkon zëvendësues për Robert Lewandowskin, i cili do të largohet këtë verë pasi kontrata e tij skadon. Trajneri Hansi Flick ka shprehur dëshirën e tij për të sjellë Erling Haalandin nga Manchester City si pasues ideal, duke e parë norvegjezin si sulmuesin perfekt për stilin e tij taktik dhe për të nxitur lojën vertikale të skuadrës. Megjithatë, kostoja e lartë e transferimit dhe limitet financiare të klubit e bëjnë thuajse të pamundur realizimin e këtij operacioni, pasi edhe skuadra të tjera si PSG janë gati të ofrojnë shifra më të mëdha. Për këtë arsye, bordi i Barcelonës ka vendosur të mos ndërmarrë lëvizje zyrtare këtë verë dhe po shqyrton alternativa të tjera si Julian Alvarez, Harry Kane apo Dusan Vlahovic, por asnjë prej tyre nuk përputhet plotësisht me vizionin e Flickut.