Futbollisti kosovar Florent Hasani ishte mysafir në podcastin “Arena e Yjeve”, ku ndau historitë më të rëndësishme të karrierës së tij, duke filluar nga titulli historik me Llamkos Kosovën dhe suksesi me Trepçën ’89 që i hapi dyert për garat evropiane. Ai kujtoi periudhën e vështirë të adaptimit si lojtar i ri në Trepçën ’89, ku klubi përqendroi përpjekjet te talentet e rinj dhe arritën të shmangin rënien nga liga falë përkushtimit dhe punës së palodhur. Hasani foli gjithashtu për transferimin e tij në futbollin hungarez dhe eksperiencën me dy fytyra në Izrael, si dhe për rolin e rëndësishëm si kapiten i Bolusporit në Turqi, duke theksuar respektin dhe besimin që fitoi aty. Episodi i plotë i bisedës me Florent Hasanin është në dispozicion në kanalin zyrtar të Telegrafit në YouTube.