Pas njoftimeve se disa lojtarë mund të bojkotonin Kombëtaren e Kosovës, mes tyre edhe Florent Muslija, mesfushori i Freiburgut ka thyer heshtjen duke mohuar kategorikisht këto pretendime. Ai shpjegoi se është i lënduar dhe për këtë arsye nuk është në gjendje të luajë, por nëse do të ishte shëndoshë, do të bashkohej me kënaqësi me ekipin kombëtar. Muslija theksoi se për të veshja e fanellës së Kosovës është krenaria më e madhe dhe nuk ka asnjë dilemë për përfaqësimin e vendit të tij. Ai gjithashtu bëri thirrje për unitet në Kombëtare dhe kërkoi që emri i tij të mos përdoret për raportime që mund të krijojnë përçarje para ndeshjeve të rëndësishme që e presin Kosovën.