Florent Muslija, ylli i kombëtares së Kosovës dhe futbollist i huazuar te Fortuna Dusseldorf, ka përfunduar me sukses operimin në ligamentin kryqëzor të gjurit të djathtë. Lëndimi i rëndë ndodhi gjatë ndeshjes së 10 prillit ndaj Holstein Kiel në Bundesliga 2, ku Muslija pësoi këputjen e ACL-së. Klubi gjerman ka bërë me dije se operimi ka shkuar mirë dhe i ka uruar lojtarit një shërim të shpejtë dhe të plotë. Për shkak të këtij lëndimi, Muslija do të mungojë në ndeshjet miqësore të Kosovës në qershor dhe pritet të jetë jashtë fushave edhe gjatë ndeshjeve të vjeshtës për Ligën e Kombeve.