Presidenti i Real Madridit, Florentino Perez, nuk do të jetë i pranishëm në ndeshjen e shumëpritur ”El Clasico” që zhvillohet të dielën në orën 21:00 në ”Camp Nou”. Arsyeja kryesore e mungesës së tij lidhet me tensionet diplomatike mes dy klubeve më të mëdhenj spanjollë, të cilat kanë arritur pikën më të ulët në vite për shkak të skandalit të njohur si “Negreira”. Gjithashtu, kjo ndeshje ka rëndësi të veçantë pasi Barcelona pritet të festojë titullin e 29-të të kampionatit, duke shtuar edhe më shumë tensionin në këtë përballje. Mungesa e Perezit pasqyron gjendjen e vështirë të marrëdhënieve mes dy klubeve dhe e bën këtë ”El Clasico” më të veçantë se kurrë më parë.