Përzgjedhësi i Kosovës, Franco Foda, mbajti një fjalim motivues pas fitores 4:3 ndaj Sllovakisë, duke theksuar se ekipi është vetëm një hap larg kualifikimit në Botërorin 2026. Ai u kërkoi lojtarëve të festojnë momentin, por menjëherë të fokusohen në ndeshjen vendimtare kundër Turqisë që do të zhvillohet më 31 mars në Prishtinë. Në një video të publikuar nga Federata e Futbollit të Kosovës, Foda shfaqet i emocionuar dhe i inkurajon futbollistët për sfidën finale. Pas kthimit në stërvitje, ekipi do të ketë tri ditë përgatitje intensive për të realizuar ëndrrën historike të kualifikimit në Kupën e Botës.