Federata e Futbollit e Kosovës priti në selinë e saj delegacionin e klubit amerikan “Iowa Soccer Club” në kuadër të një programi bashkëpunimi sportiv dhe kulturor mes dy vendeve. Gjatë takimit, përfaqësuesit amerikanë u njohën me zhvillimet e futbollit në Kosovë, investimet në infrastrukturë dhe programet për zhvillimin e talenteve të rinj. Delegacioni vizitoi Kampin Nacional të FFK-së në Hajvali, ku futbollistët e të dyja vendeve zhvilluan një seancë stërvitore të përbashkët, duke shkëmbyer përvoja dhe kultura sportive. Kjo vizitë konsiderohet një hap i rëndësishëm në promovimin e futbollit kosovar ndërkombëtarisht dhe në forcimin e bashkëpunimit mes të rinjve të Kosovës dhe Shteteve të Bashkuara.