Robbie Fowler, legjenda e Liverpoolit, ka shprehur mundësinë që Jude Bellingham të rikthehet një ditë në Premier League duke veshur fanellën e “Reds”. Mesfushori anglez aktualisht luan për Real Madrid, ku u transferua në vitin 2023 për një shumë prej rreth 103 milionë eurosh, por Fowler beson se ai ka ende hapësirë për përmirësim dhe se eksperienca në Madrid do ta ndihmojë të zhvillohet më tej. Karriera e 22-vjeçarit ka qenë në ngritje, duke kaluar nga Birmingham City në Borussia Dortmund dhe më pas në Real Madrid, megjithëse dëmtimet e fundit kanë ndikuar në vazhdimësinë e tij. Sipas ish-goleadorit, nëse Bellingham vendos të largohet nga Madridi, Liverpooli mund të jetë destinacioni ideal për rikthimin e tij në futbollin anglez.