Ministri në detyrë i Rinisë dhe Sportit të Kosovës, Blerim Gashani, zhvilloi një takim me Ministren franceze Marina Ferrari në kuadër të International Meetings on Major Sporting Events (RIGES), ku u diskutua përgatitja e Kosovës për Lojërat Mesdhetare 2030. Gjatë takimit u theksua rëndësia e partneritetit të thellë Kosovë–Francë, me Francën si një nga aleatët kryesorë në organizimin e kësaj ngjarjeje të madhe sportive. Lojërat Mesdhetare për Kosovën përfaqësojnë më shumë se një event sportiv, duke shërbyer si platformë zhvillimi për ekonomi, infrastrukturë, forcim institucional dhe diplomaci sportive. Po ashtu, u diskutuan bashkëpunimet në fushat e sigurisë, menaxhimit të eventeve dhe ekspertizës operacionale, si dhe roli i rinisë dhe vullnetarizmit në këtë proces.