Ministri në detyrë i Rinisë dhe Sportit të Kosovës, Blerim Gashani, zhvilloi një takim me Ministren franceze Marina Ferrari në kuadër të International Meetings on Major Sporting Events (RIGES), ku u diskutua përgatitja e Kosovës për Lojërat Mesdhetare 2030. Gjatë takimit u theksua mbështetja e fortë e Francës si një nga aleatët kryesorë në organizimin e kësaj ngjarjeje të madhe sportive. Lojërat Mesdhetare u paraqitën jo vetëm si një event sportiv, por si një platformë zhvillimi që përfshin ekonomi, infrastrukturë, forcim institucional dhe diplomaci sportive. Po ashtu, u diskutua rëndësia e rinisë dhe vullnetarizmit, si dhe bashkëpunimi teknik në fusha si siguria dhe menaxhimi i eventeve të mëdha, duke theksuar vizionin afatgjatë zhvillimor për Kosovën.