Mesfushori holandez Frenkie de Jong ka pranuar se ka konsideruar largimin nga Barcelona kur ka marrë oferta nga Manchester United dhe Chelsea. Ai theksoi se në momente të caktuara e ka pyetur veten për të ardhmen, por në fund vendosi të qëndrojë pasi ndihet i rëndësishëm në ekip dhe Barcelona është në nivelin që dëshiron të luajë. De Jong foli edhe për periudhën e rindërtimit të klubit pas largimeve të mëdha dhe afrimeve të reja, duke theksuar se ekipi ka nevojë për kohë për t’u rritur. Ai shtoi se ndihet mirë në klub dhe është i përkushtuar për të qëndruar në “Camp Nou”, pavarësisht spekulimeve për kontratën dhe të ardhmen e tij.