Federata Shqiptare e Futbollit ka njoftuar se të hënën do të hapet procesi i aplikimit për biletat e ndeshjes gjysmëfinale të play-off-it për Botërorin 2026 mes Polonisë dhe Shqipërisë, që do të zhvillohet më 26 mars në Varshavë. Për shkak të numrit të kufizuar të biletave për tifozët shqiptarë, përzgjedhja do të bëhet përmes një shorti elektronik në platformën T-ticket.al, ku çdo aplikant mund të kërkojë vetëm dy bileta. Aplikimet do të jenë të hapura për 48 orë, ndërsa fituesit do të njoftohen me email dhe do të kenë 24 orë kohë për të përfunduar pagesën. Biletat do të jenë të shkarkueshme në aplikacionin zyrtar “Mobilny System Biletowy”. Në rast fitoreje, Shqipëria do të luajë më tej në udhëtim kundër fitueses së ndeshjes tjetër gjysmëfinale mes Ukrainës dhe Suedisë.