Para ndeshjes së parë të playoff-it të Ligës së Kampionëve mes Bodo Glimt dhe Interit, fusha sintetikë e stadiumit Aspmyras ka shkaktuar shqetësime të mëdha. Pas pastrimit të borës me makineri të rënda, në tapetin sintetik janë formuar gropa dhe fryrje pranë vijave anësore, duke rritur rrezikun e dëmtimeve për lojtarët. Trajneri i Interit, Chivu, u shfaq i shqetësuar në një video virale, ndërsa stafi i klubit norvegjez po punon intensivisht për të përmirësuar kushtet e fushës, duke përdorur edhe një traktor me solucion kundër ngrirjes për të zbutur fryrjet. Arbitri gjerman Siebert do të inspektojë fushën para ndeshjes në orën 21:00 dhe do të vendosë nëse ajo është e përshtatshme për lojë, ndërsa një shtyrje e ndeshjes do të ishte problematike për Interin për shkak të axhendës së ngjeshur.