Saud Abdulhamid, futbollisti i Romës i huazuar te Lens, përjetoi një situatë të vështirë pas ceremonisë së martesës së tij në Amsterdam. Makina e tij u thye dhe u grabit, ndërsa mes objekteve të vjedhura ishte edhe pasaporta e tij. Kjo ngjarje e papritur e pengoi atë të bashkohej me Kombëtaren e Arabisë Saudite për përgatitjet e Botërorit, pavarësisht se ishte pjesë e listës paraprake dhe i vetmi lojtar jashtë kampionatit arab. Federata Saudite e Futbollit njoftoi se po bashkëpunon ngushtë me Ministrinë e Sporteve dhe Ambasadën në Holandë për të siguruar dokumentacionin e nevojshëm që Abdulhamid të mund të bashkohet me skuadrën sa më shpejt.