Klubi turk Galatasaray ka reaguar zyrtarisht duke mohuar të gjitha raportimet që lidhin mesfushorin ofensiv Jamal Musialën me një huazim në Stamboll. Sipas deklaratës së klubit kampion të Turqisë, lajmet për një marrëveshje të tillë janë të pavërteta dhe nuk pasqyrojnë realitetin e situatës. Ky reagim vjen pas përhapjes së spekulimeve në media dhe rrjetet sociale, ku u pretendua se Galatasaray po punonte për të siguruar shërbimet e yllit gjerman. Musiala mbetet një nga futbollistët më të kërkuar në Evropë, ndërsa e ardhmja e tij vazhdon të jetë objekt diskutimesh në merkato.