Galatasaray ka rifilluar bisedimet me Milanin për transferimin e sulmuesit portugez Rafael Leaon, ndërsa klubi italian ka ulur kërkesat financiare nën 50 milionë euro plus bonuse. Kjo lëvizje vjen pas dështimit të tentativës së Galatasaray për të marrë Gabriel Martinellin nga Arsenali, i cili nuk kishte interes për transferimin në Stamboll dhe oferta u refuzua nga klubi londinez. Përveç Galatasaray, interes për Leaon kanë shfaqur edhe Benfica dhe Fenerbahçe, por deri tani nuk ka pasur oferta zyrtare për shkak të diferencës së madhe në çmim me kërkesat fillestare të Milanit. Me kontratën që i skadon në vitin 2028 dhe mungesën e synimit për rinovim, largimi i Leaos nga Milani duket gjithnjë e më i mundshëm, ndërsa ditët e ardhshme pritet të tregojnë nëse bisedimet do të përshpejtohen drejt një marrëveshjeje konkrete.