Trajneri i Galatasarayt, Okan Buruk, ka kontaktuar personalisht sulmuesin kosovar Vedat Muriqi për ta bindur që të transferohet te klubi kampion i Turqisë gjatë verës. Muriqi, i cili po mbyll sezonin në La Liga me 22 gola në 35 ndeshje, ka tërhequr vëmendjen e Galatasarayt për shkak të formës së tij të shkëlqyer. Buruk, me të cilin ka një marrëdhënie të mirë nga koha në Rizezspor, dëshiron ta ketë në skuadër dhe duket se nuk është shumë i interesuar për të mbajtur sulmuesin argjentinas Mauro Icardi. Sulmuesi prizrenas është i hapur për të kaluar vitet e fundit të karrierës në Turqi, ku më parë ka shkëlqyer edhe te rivalët e Galatasarayt, Fenerbahce.