Federata Ganeze e Futbollit ka shkarkuar trajnerin Otto Addo vetëm 10 javë para fillimit të Kampionatit Botëror 2026, pas një serie humbjesh në ndeshjet miqësore. Humbjet e fundit ndaj Austrisë (5-1) dhe Gjermanisë (2-1) ishin fatale për trajnerin, pavarësisht se ai arriti të kualifikonte skuadrën për në Botëror. Addo mori drejtimin e kombëtares në mars të vitit 2024 dhe gjatë periudhës së tij Gana regjistroi katër humbje radhazi në miqësore. Federata falenderon trajnerin për kontributin dhe njofton se emri i trajnerit të ri do të bëhet i ditur në kohën e duhur. Gana do të marrë pjesë në Botërorin 2026 në Grupin L, ku do të përballet me Panamanë, Anglinë dhe Kroacinë.