Marco Palestra, mbrojtësi i djathtë 21-vjeçar që ka shkëlqyer këtë sezon në Serie A me Cagliarin, është kthyer në një nga zbulimet më të mëdha të futbollit italian dhe ka tërhequr vëmendjen e klubeve të mëdha europiane. Në pronësi të Atalantas, Palestra ka treguar një përparim të qëndrueshëm dhe një performancë të lartë, duke u bërë objektivi kryesor i Barcelonës dhe Liverpoolit për afatin kalimtar. Barcelona e sheh atë si një opsion ideal për të forcuar krahun e djathtë, ndërsa Liverpooli, me fuqinë financiare dhe nevojën për rinovim në repartin defensiv, duket në avantazh për të fituar garën. Oferta e “The Reds” për një rol të rëndësishëm që në fillim mund të jetë vendimtare në zgjedhjen e lojtarit, duke e bërë këtë transferim një nga më të ndjekurit në merkato.