Barcelona po ndjek me kujdes mesfushorin 18-vjeçar Ayyoub Bouaddi nga Lille, një talent i njohur për inteligjencën taktike dhe pjekurinë në fushë. Megjithatë, sfida për nënshkrimin e tij është e ashpër, me klube si Arsenal, Paris Saint-Germain, Liverpool, Manchester City, dhe Real Madrid që janë gjithashtu në garë për shërbimet e tij. Lille kërkon një shumë prej 70 deri në 80 milionë euro për kartonin e mesfushorit, duke refuzuar ofertën prej 60 milionë eurosh të Arsenalit. Bouaddi, i cili ka debutuar në profesionistë në moshën 16-vjeçare, po kërkon një ambient ku të ketë më shumë hapësira për zhvillim, duke e bërë këtë merkato një nga më të ndjekurat këtë verë.