Rafael Leao, sulmuesi portugez i Milanit, po përballet me një të ardhme të pasigurt te skuadra kuqezi, pas paraqitjeve të paqëndrueshme dhe presionit nga tifozët. Manchester United është një nga klubet më të interesuara për ta transferuar, duke dërguar skautë për ta ndjekur nga afër në disa ndeshje, por në garë për shërbimet e tij janë edhe Arsenal dhe Chelsea. Milani, që synon kualifikimin në Ligën e Kampionëve, është i gatshëm të dëgjojë ofertat për Leao gjatë merkatos së verës, me një çmim që mund të jetë shumë më i ulët se klauzola e lirimit prej 175 milionë eurosh, rreth 50 milionë euro. Leao ka shënuar 10 gola dhe ka dhënë tri asistime këtë sezon, por nuk ka gjetur rrugën e rrjetës që nga marsi, dhe tifozët kanë shfaqur pakënaqësi ndaj tij në ndeshjet e fundit në “San Siro”.