Sulmuesi anësor 23-vjeçar i Paris Saint-Germain, Bradley Barcola, është në qendër të interesit të disa prej klubeve më të mëdha evropiane gjatë afatit kalimtar të verës. Manchester United, Bayern Munich, Arsenal dhe Liverpool janë futur në garë për shërbimet e tij, me “The Reds” që konsiderohen favoritë për ta transferuar francezin. Liverpool e sheh Barcolan si zëvendësues ideal të Mohamed Salahut dhe është duke bërë përpjekje intensive për ta mbyllur marrëveshjen, veçanërisht pasi kanë hequr dorë nga talenti Yan Diomandé. Arsenal nuk heq dorë dhe është gati të bëjë ofertë të re për të kaluar Liverpoolin, ndërsa Paris Saint-Germain ndjek me kujdes zhvillimet, duke e konsideruar Barcolan një nga lojtarët më të kërkuar të kësaj vere.