Edicioni i 23-të i Kupës së Botës do të shënojë një rekord me 40 ndeshje më shumë se çdo herë tjetër, duke rritur mundësitë për gola dhe rivalitetin për “Këpucën e Artë”. FIFA ka publikuar listën e 10 favoritëve, ku spikasin yje si Kylian Mbappe, fituesi i fundit, Harry Kane, Erling Haaland dhe Lionel Messi, që kërkon këtë trofe të munguar në karrierën e tij. Ndër kandidatët janë edhe talente të rinj si Lamine Yamal, i cili mund të bëhet fituesi më i ri në historinë e këtij çmimi, si dhe emra të tjerë të njohur si Cristiano Ronaldo, Mikel Oyarzabal, Ousmane Dembele, Vinicius Junior dhe Raphinha. Me një përzierje të fuqishme mes përvojës dhe rinisë, gara për golashënuesin më të mirë pritet të jetë një nga më të fortat në historinë e Botërorit.