Real Madrid, Barcelona dhe Atletico Madrid janë futur në një garë të fortë për nënshkrimin e mesfushorit të ri holandez Kees Smit, talenti 20-vjeçar i AZ Alkmaar. Real Madrid konsiderohet aktualisht favorit për të përforcuar menjëherë mesfushën, ndërsa Barcelona dhe Atletico e shohin transferimin si një investim afatgjatë. Klubi holandez e vlerëson Smit në rreth 60 milionë euro, një shifër që mund të negociohet në këtë merkato ku çmimet për lojtarët e rinj janë në rritje. Roli i agjentit të tij, Jorge Mendes, i cili ka marrëdhënie të forta me të tre klubet spanjolle, pritet të jetë vendimtar në zgjedhjen e destinacionit të talentit.