Pas dështimit për të transferuar Vinicius Junior, Arsenali ka vënë në shënjestër Ferran Torres si alternativë për repartin ofensiv. Drejtuesit e klubit londinez kanë kontaktuar përfaqësuesit e sulmuesit të Barcelonës për të marrë informacion mbi mundësinë e një transferimi. Megjithatë, PSG konsiderohet aktualisht si favorit për të firmosur me Torresin, edhe pse ende nuk ka marrëveshje të finalizuar mes palëve. Barcelona po përpiqet ta mbajë spanjollin në skuadër, duke tentuar ta bindë që të shtyjë çdo vendim për të ardhmen, ndërsa Arsenali mbetet në gatishmëri, duke e bërë situatën e Torresit një nga temat më të ndjekura në ditët në vijim.