Anis Mehmeti, sulmuesi shqiptar i Ipswich Town, po përballet me mundësinë e largimit nga klubi ku u bashkua vetëm në janar të këtij viti. Megjithëse ka kontratë deri në verën e 2027, ai nuk u aktivizua në javën e parë të Premier League, duke ngritur dyshime për vazhdimësinë e bashkëpunimit. Në garë për shërbimet e tij janë disa skuadra nga Championship, përfshirë Millwall, Derby County, Birmingham dhe Wrexham, të cilat e shohin si një përforcim të rëndësishëm për repartin ofensiv. Vendimin për të ardhmen e tij do ta marrë vetë Mehmeti, ndërsa Ipswich kishte investuar 3 milionë euro për transferimin e tij në janar.