Igball Jashari, talenti 20-vjeçar i FC Drenicës dhe përfaqësues i Kosovës U21, ka shkëlqyer këtë sezon me 5 gola dhe 4 asistime, duke tërhequr vëmendjen e disa klubeve të mëdha. Kampionia aktuale e Kosovës, Drita, së bashku me Ballkanin dhe Gjilanin, janë në garë për transferimin e tij, ndërsa interesim ka shfaqur edhe skuadra shqiptare Elbasani. Drejtori sportiv i Dritës, Valon Zymberi, ka konfirmuar se Jashari po vlerësohet, por ka theksuar se nuk do të ushtrohet presion i tepruar ndaj lojtarit për shkak të moshës dhe potencialit të tij. Lojtari pritet të presë përfundimin e sezonit dhe dy xhirot e fundit për të marrë vendimin e tij për të ardhmen sportive.