Mesfushori i Manchester Cityt, Rodri, është në qendër të interesit të dy klubeve të mëdha spanjolle, Real Madridit dhe Barcelonës. Sipas raportimeve, Rodri preferon të transferohet te Real Madridi, ku ka arritur marrëveshje për kushtet personale, ndërsa Barcelona, për shkak të situatës financiare, nuk ka bërë ende ofertë zyrtare, por po ndjek me kujdes mundësinë e transferimit. Manchester City nuk ka nisur negociata me Realin dhe pret që Barcelona të hyjë në garë, duke shpresuar që kjo të rrisë vlerën e kartonit të mesfushorit, i cili është në vitin e fundit të kontratës së tij. Çmimi i kërkuar nga City është rreth 75 milionë euro, ndërsa Real Madridi synon të mbyllë marrëveshjen me një shifër më të ulët, rreth 60 milionë euro, duke nisur negociatat për një kompromis.