France Pierron, gazetarja franceze e televizionit sportiv L’Équipe, është pezulluar nga transmetimet pas komenteve të saj kritike ndaj futbollistit belg Jeremy Doku. Ajo e cilësoi lindjen e fëmijës si një “moment të neveritshëm” në lidhje me largimin e përkohshëm të Dokus nga kombëtarja për të qenë pranë partneres gjatë lindjes së djalit të tyre. Komentet e Pierron shkaktuan reagime të ashpra në rrjetet sociale dhe media, ku u konsideruan të papërshtatshme dhe mungesë respekti ndaj familjeve dhe prindërve. Pas valës së kritikave, L’Équipe kërkoi falje publike ndaj Dokus dhe tifozëve, duke distancuar institucionin nga deklaratat e gazetares dhe duke vendosur pezullimin e saj përkohësisht nga ekrani.