Genc Nuza është caktuar si gjyqtari kryesor në ndeshjen Ilves – Rijeka, e vlefshme për raundin e tretë kualifikues të UEFA Conference League, që do të zhvillohet më 13 gusht në Tampere të Finlandës. Ai do të ketë pranë një ekip gjyqtarësh kosovarë, duke përfshirë Lumturije Muhadrin dhe Alban Ejupin si asistentë, Ilir Mehmetin si gjyqtar të katërt dhe Mentor Ajetin në rolin e AVAR. Kjo është një tjetër dëshmi e besimit që shtëpia më e madhe e futbollit evropian ka në gjyqtarët nga Kosova për të ndarë drejtësi në arenën ndërkombëtare. Pjesëmarrja e tyre në këtë ndeshje tregon avancimin dhe prezencën e fuqishme të gjyqtarëve kosovarë në kompeticionet evropiane.